Radio Fortune Africa -Ukweli na Burudani

https://zeno.fm/radio/radio-fortune-africa

Rais wa Ukraine Volodymyr Zelensky amemvua uraia Meya wa Odesa, Gennadiy Trukhanov, kwa madai ya kumiliki pasi ya kusafiria ya Urusi. Zelenskiy pia amemvua uraia dansa anaejulikana kwa kumshabikia Rais Vladmir Putin.

Wakosoaji wameshtumu Rais Zelenskiya kwa tabia za kiimla kufuatia maamuzi yake.Picha: Valentyn Ogirenko/REUTERS

Na:Cantona Joseph|RFA

Rais wa Ukraine Volodymyr Zelensky amemvua uraia Meya wa Odesa, Gennadiy Trukhanov, kwa madai ya kumiliki pasi ya kusafiria ya Urusi. Hatua hiyo imezua mtafaruku wa kisiasa katika jiji hilo muhimu la bandari ambalo limekuwa ngome ya kiuchumi na kijeshi katika vita inayoendelea na Urusi.

Idara ya Usalama ya Taifa (SBU) ilitangaza kupitia Telegram kwamba amri hiyo imesainiwa na Rais Zelensky, ikimtuhumu Trukhanov “kuwa na uraia wa nchi mshambuliaji.” Kwa mujibu wa katiba ya Ukraine, raia mwenye uraia wa nchi adui hapaswi kushikilia nafasi ya umma.

Trukhanov asema ni siasa za kulipiza kisasi

Trukhanov amekanusha vikali madai hayo, akisema: “Sijawahi kuwa na pasipoti ya Urusi. Mimi ni raia wa Ukraine na nitazidi kutekeleza majukumu yangu kama meya.” Aliongeza kuwa atapinga uamuzi huo mahakamani, akisisitiza kwamba ni “siasa za kulipiza kisasi.”

Meya Gennadiy Trukhanov amekanusha kumiliki hati ya kusafiria ya Urusi na ameapa kupinga uamuzi wa Zelenskiy mahakamani.Picha: Yulii Zozulia/Avalon/picture alliance

Meya huyo mwenye historia ya utata kisiasa alihusishwa zamani na mitazamo ya kirafiki kwa Moscow, lakini tangu uvamizi wa Urusi mwaka 2022 amekuwa mkosoaji wa Kremlin, akisaidia jeshi la Ukraine kuilinda Odesa na kutoa misaada kwa wakimbizi.

Wakati huo huo, vyanzo vya serikali vimeeleza kuwa Zelensky pia amemvua uraia mnenguaji mashuhuri Sergei Polunin, anayefahamika kwa uhusiano wake wa karibu na Rais Vladimir Putin. Wachambuzi wanasema hatua hizi zinaonyesha juhudi za Kyiv kuimarisha uzalendo wa kitaifa na kujiondoa kabisa kwenye ushawishi wa Urusi.

All Rights Reserved © The Cantona Group PLC||2025