Radio Fortune Africa -Na Cantona Joseph

https://zeno.fm/radio/radio-fortune-africa

Senegal, kama Chad, ilijibu vikali maoni ya Rais wa Ufaransa Emmanuel Macron, ambaye alibainisha, pamoja na mambo mengine, kwamba kuondoka kwa wanajeshi wa Ufaransa ni matokeo ya mazungumzo na nchi tofauti za bara hilo. Si kweli, inasema Senegal ambayo ilitangaza, mwishoni mwa mwezi wa Desemba, kufungwa kwa kambi za kijeshi za Ufaransa mwaka 2025 katika nchi yake, ambapo hapa ni hatua zinazofuata.

Kwa hakika, jeshi la Ufaransa lina vituo vinne na wanajeshi zaidi ya 200 wa Ufaransa bado wako Dakar. Kwa upande wa Ufaransa, tunasema tunasikiliza kile ambacho Senegali inataka. Hakuna ratiba sahihi ambayo bado imeamuliwa, vinasema vyanzo kadhaa ndani ya serikali.

Kulingana na chanzo cha kijeshi cha Ufaransa, mbili kati ya kambi hizi, ziko karibu na bandari ya Dakar, ziko tupu kwa miezi kadhaa na ziko tayari kukabidhiwa kwa Senegal. Mwishoni mwa mwezi wa Desemba, Dakar inadaiwa kuwa iliomba muda wa ziada kabla ya kupewa funguo.

Kambi mbili zilizobaki

Bado kuna kambi ya kijeshi ya Rufisque, nje kidogo ya mji mkuu, inayoundwa na makazi yenye antena kwa ajili ya mawasiliano salama. Na kambi ya Ouakam, katikati ya jiji. Zaidi ya wanajeshi 200 wa Ufaransa wanatoa mafunzo huko na jeshi la Senegal na maafisa kutoka eneo hilo.

Kulingana na vyanzo vya jeshi la Ufaransa, pendekezo lilikuwa limetolewa kukabidhi sehemu ya makazi kwenye kambi hii kwa jeshi la Senegal katika msimu wa joto wa mwaka 2024 ili kuifanya kuwa kambi ya wanajeshi wa Ufaransa na Senegal na kubakiza baadhi ya wanajeshi wa Ufaransa kwenye kambi hiyo.

Lakini hakuna kilichoamuliwa, kinabainishachanzo hicho, kwa kuwa hakuna mjadala wa kisiasa na mamlaka mpya ambao umefanyika juu ya suala hilo.

All Rights Reserved © Cantona Group PLC||2025