Radio Fortune Africa -Na Cantona Joseph

https://zeno.fm/radio/radio-fortune-africa

Ethiopia imetangaza siku ya Ijumaa, siku moja baada ya ziara rasmi ya waziri wa Ulinzi wa nchi hiyo mjini Mogadishu, kwamba hatimaye “itashirikiana” katika kikosi kipya cha Umoja wa Afrika nchini Somalia dhidi ya waasi wenye itikadi kali wa Kiislamu wa Al Shabab, ambao wanatarajiwa kutumwa mwezi huu.

Mogadishu hapo awali ilibaini kwamba wanajeshi wa Ethiopia hawatashiriki, kwani uhusiano kati ya nchi hizo mbili ulizidi kuwa mbaya baada ya Addis Ababa kusaini makubaliano ya baharini na eneo lililojitenga la Somaliland takriban mwaka mmoja uliopita. Baada ya miezi kadhaa ya mafarakano, nchi hizo mbili, hata hivyo, hivi karibuni zilitia saini makubaliano chini ya uangalizi wa Uturuki ili kukomesha mvutano.

“Nchi hizo mbili zilikubaliana kushirikiana katika ujumbe wa AUSSOM”, Ujumbe wa Msaada na Utulivu wa Umoja wa Afrika, “na kuimarisha uhusiano wa nchi mbili”, Wizara ya Mambo ya Nje ya Ethiopia ilmetangaza katika taarifa iliyochapishwa kwenye Facebook. “Majadiliano yalisisitiza dhamira ya nchi hizo mbili kufanya kazi pamoja ili kuhakikisha amani na utulivu nchini Somalia na kanda nzima,” inaongeza taarifa kwa vyombo vya habari, ambayo inakaribisha mazungumzo “yenye matunda” siku moja kabla kati ya ujumbe wa Ethiopia ulioongozwa na waziri wa Ulinzi Aisha. Mohammed na Rais wa Somalia Hassan Sheikh Mohamud.

Baraza la Usalama la Umoja wa Mataifa liliidhinisha mwishoni mwa mwaka 2024 kwa kikosi kipya cha Umoja wa Afrika nchini Somalia, kupitia azimio lililopitishwa na nchi 14 wanachama wa Baraza hilo kati ya kumi na tano, Marekani ikiwa imejizuia kutokana na kutoridhishwa na ufadhili. Azimio hilo linatoa fursa ya kubadilishwa Januari 1 kwa Misheni ya Mpito ya Afrika nchini Somalia (Atmis) na Misheni ya Usaidizi na Utulivu ya Umoja wa Afrika (AUSSOM).

Hadi uondoaji wake uliopangwa kufanyika Desemba 31, kikosi cha Atmis kinaweza kuwa na hadi wanajeshi 12,000, huku A Shabab ikiendelea kuwa tishio kubwa nchini. Somalia na Ethiopia zilialikwa kushiriki katika mkutano wa Baraza, bila kupiga kura. Mwakilishi wa Somalia kisha alichukua fursa hiyo kueleza kwamba “usambazaji wa wanajeshi kwa AUSSOM ulikuwa umehitimishwa na makubaliano ya nchi mbili mwezi Novemba” na nchi washirika, ikitaja idadi ya wanajeshi 11,000.

Nakal iliyopitishwa ni pamoja na uwezekano wa kutumia utaratibu ulioundwa na Baraza la Usalama mwaka jana, ambao unabaini kwamba jeshi la Afrika lililo lililoidhinishwa na Umoja wa Mataifa linaweza kufadhiliwa hadi 75% na Umoja wa Mataifa. Waziri wa Mambo ya Nje wa Somalia Ali Mohamed Omar alikwenda Addis Ababa wiki iliyopita kukutana na mwenzake wa Ethiopia Mesganu Arega, siku moja baada ya mapigano makali katika mji wa mpakani wa Doolow, na kujaribu kuhifadhi hali tete kati ya nchi hizo mbili.

All Rights Reserved © Cantona Group PLC||2024