Radio Fortune Africa -Na Cantona Joseph

https://zeno.fm/radio/radio-fortune-africa

Zikiwa na uwakilishi mdogo katika taasisi mbali mbali za kimataifa, nchi kadhaa za Kiafrika zinaomba kwa dhati nafasi ya kufanywa kwa ajili yao katika ngazi ya kimataifa. Hakika, baadhi ya maendeleo yamefanywa katika miaka ya hivi karibuni, lakini miezi ijayo inaweza kubadilisha hali hiyo.

Mnamo Novemba 1, bodi ya wakurugenzi ya Shirika la Fedha la Kimataifa (IMF) ilifungua makao makuu mapya na kumpokea Wautabouna Outtara kutoka Côte d’Ivoire, mwakilishi wa tatu kutoka bara hilo kati ya wanachama 25 ambao sasa wanaunda bodi inayoongoza ya taasisi ya Bretton Woods. Ombi hilo lilitolewa mwaka 2023 na mawaziri 45 wa fedha kutoka bara la Afrika na hatimaye walifanikiwa.

Je! taasisi za kimataifa zitapanda wimbi hili mnamo 2025? Mjini New York, mijadala kuhusu kuundwa kwa viti viwili vipya vya kudumu katika Baraza la Usalama la Umoja wa Mataifa ilizinduliwa tena mwezi Septemba. Viti hivi vitatengwa kwa ajili ya mataifa mawili ya Kiafrika, ili kuimarisha uwakilishi wao katika kufanya maamuzi ambapo zimetengwa na maamuzi ambayo, mara nyingi, huwahusu. Yakiwekwa kila Septemba kwenye ajenda ya Baraza Kuu, yaliyojadiliwa kwa miaka mingi, mageuzi hayo yanaweza kuchukua muda kuidhinishwa.

Jambo moja ni hakika, hata hivyo: urais wa kila mwaka wa G20, ambao Afŕika Kusini ilipata mwanzoni mwa mwezi wa Desemba, ni wa kwanza kwa nchi ya Afŕika. Pretoria itachukua fursa ya mkutano huu wa mataifa 20 yenye nguvu zaidi duniani “kuweka vipaumbele vya maendeleo ya bara la Afrika na, kwa upana zaidi, nchi za Kusini, kwa uthabiti zaidi kwenye ajenda ya G20,” rais wa Afrika Kusini, Cyril Ramaphosa alisem, Novemba mwaka uliyopita.

All Rights Reserved © Cantona Group PLC||2024