Radio Fortune Africa -Na Cantona Joseph

https://zeno.fm/radio/radio-fortune-africa

Ujumbe kutoka Wizara ya Nishati ya Uturuki umekuwa nchini Syria tangu Jumamosi Desemba 28 kusaidia mamlaka mpya huko Damascus kurejesha upatikanaji wa huduma za nishati, baada ya kuanguka kwa Bashar Al Assad. Hayo yatafanyika katikati changamoto za kimkakati, kuhusiana na mafuta na gesi, ardhini, lakini pia baharini.

Kwa hakika Uturuki inashiriki kikamilifu na mamlaka mpya ya Syria, tangu vuguvugu la Kiislamu la Hayat Tahrir al-Sham (HTS) la Ahmad al-Shareh (pia anajulikana kama Abu Mohammed al-Joulani) lilimpindua Bashar Al Assad Desemba 8 mwaka huu. Ankara ilituma wajumbe kutoka Wizara ya Nishati ya Uturuki siku ya Jumamosi, Desemba 28 ili kujitolea kusaidia Syria kujenga upya mfumo wake wa nishati.

“Lazima tutoe umeme haraka kwa mikoa ya Syria ambayo ihaina huduma hiyo,” Waziri Alparslan Bayraktar ametangaza kutoka Ankara. “Kwanza kupitia uagizaji wa bidhaa kutoka nje. Ankara inaweza kutuma umeme Lebanoni kupitia Syria, waziri wa Uturuki amesema. Pia tunafikiria kuanzisha uzalishaji wa umeme wa ndani.”

Kuchukua nafasi ya Iran kwa bidhaa ghafi

Uturuki tayari inasambaza umeme kaskazini mwa Syria, eneo ambalo liko chini ya udhibiti wa jeshi lake. Lakini katika maeneo mengine ya Syria, nusu ya mtandao wa umeme umeharibiwa tangu kuzuka kwa vita vya wenyewe kwa wenyewe mwaka 2011. Kuanguka kwa Bashar Al Assad mapema mwezi Desemba pia kulikomesha usafirishaji kutoka kwa meli za mafuta za Iran. Kituo kikubwa cha nishati ya mafuta nchini humo, karibu na kiwanda cha kusafisha mafuta cha Baniyas (MW 30), kwa hivyo hakifanyi kazi tena.

Syria kwa kweli ni mzalishaji wa hidrokaboni, lakini amana kuu ziko katika mkoa wa Deir Ezzor mashariki mwa nchi, ziko chini ya udhibiti wa Wakurdi na Marekani. Kukaribiana kwa sasa kwa mamlaka ya Ankara na kundi la Wakurdi la waliojitenga la PKK kunaweza kubadilisha hali na kuwezesha kuunganishwa tena kwa mapato ya mafuta kwenye hazina ya serikali ya Syria (25% ya bajeti ya mwaka 2010 na uzalishaji wa kitaifa wa mapipa 400,000 kwa siku, ikilinganishwa hadi 30,000 leo, ambapo chini ya 8,000 yanadhibitiwa na Damascus) ikiwa mauzo ya nje yataachiliwa kutoka kwa vikwazo vya Magharibi.

Mradi wa ukanda wa gesi kutoka Qatar hadi Ulaya

Lakini mipango ya nishati ya Uturuki inakwenda vizuri mbali na hapo. “Tutafanyia kazi mpango wa miundombinu na viongozi wapya. Kuna masuala mengi yanayohitaji kukomaa, kama vile bomba la mafuta kutoka Syria hadi Uturuki, ambalo lingeungana na bomba letu la mafuta kati ya Iraq na Uturuki. “Kwa hivyo Syria inaweza kuunganishwa kwenye bomba la mafuta kati ya Kirkuk na Ceyhan, upande wa Uturuki wa Bahari ya Mediterania, ili kuipa ufikiaji wa rasilimali au njia ya kuuza nje.

All Rights Reserved © Cantona Group PLC||2024