Radio Fortune Africa -Na Cantona Joseph

https://zeno.fm/radio/radio-fortune-africa

Nchini Burundi, baada ya miaka mingi ya udhibiti mkali wa bei ya sukari inayozalishwa na kampuni ya ndani, Société Sucrière du Moso (SOSUMO), sukari imekuwa haba nchini humo, wakati kampuni hii inaendelea ktumbukia katika mgogoro. Serikali imeamua kubadili mkondo wake kwa kuikomboa kabisa biashara ya sukari, hivyo kusukuma SOSUMO kuongeza bei yake mara tatu mwishoni mwa wiki hii.

Hali hii inasababishwa na ubadhirifu wa kiuchumi na utawala mbaya, kulingana na mashirika yasiyo ya kiserikali yanayopambana dhidi ya ufisadi. Uzalishaji katika Kampuni ya Sukari ya Moso (SOSUMO) umeporomoka katika kipindi cha miaka kumi iliyopita: ulitoka tani 23,000 mwaka wa 2015 hadi tani 10,000 leo.

Wakati huo huo, idadi ya watumiaji imeongezeka huku kukiwa na ukosefu wa fedha za kigeni za kuagiza kutoka nje. Matokeo: Burundi imekuwa ikikabiliwa na uhaba mkubwa wa sukari kwa miaka mingi.

Zaidi ya mwezi mmoja uliopita, serikali iliamua kufanya biashara huria kabisa ili kurekebisha hili. Waagizaji wa kibinafsi mara moja waliongeza bei zao. SOSUMO, ambayo ndiyo msambazaji mkuu wa soko la Burundi, nayo imepandisha bei ya sukari yake, ambayo kwa hakika imeiongeza mara tatu. Bei imetoka kwa faranga za Burundi 3,300 hadi faranga za Burundi 8,000.

“Hii ni kuwiana na bei za waagizaji binafsi na kuzingatia gharama za uzalishaji,” anaeleza mkuu wa kampuni SOSUMO, Aloys Ndayikengurukiye, ambaye anaahidi kuongeza maradufu uzalishaji wa sukari wa kampuni yake.

Kwa masikitiko makubwa ya wakazi wa Burundi, ambao wameona bei za mahitaji yote ya msingi zikipanda katika kipindi cha miaka mitatu iliyopita, hata kama mafuta yanapatikana tena, baada ya miezi kadhaa ya uhaba.

All Rights Reserved © Cantona Group PLC||2024