Radio Fortune Africa -Na Cantona Joseph

https://zeno.fm/radio/radio-fortune-africa

Watumishi wengi wanapitia changamoto za kifedha, na wengi wao wamekosa mwongozo sahihi. Tumia mbinu hizi ili kutoka kwenye matatizo ya PESA.

…

1. Tengeneza bajeti na ishi katika hiyo.

Elewa mapato yako na matumizi yako, Usitumie kiwango ambacho hujawahi kumiliki au ni zaidi ya kipato chako.Toa kipaumbele kwa matumizi ya lazima na epuka anasa zisizo za lazima. Ili kulinda pesa zako.

…

2. Jifunze kuweka akiba ya pesa.

Weka angalau 10–20% ya mshahara wako kama akiba.Akiba inaweza kuwa ya dharura (emergency fund) au kwa malengo makubwa. Watumishi wengi wanaingia katika matatizo ya kifedha kwa kukosa akiba yaani hata 100,000 ya haraka.

..

3. Epuka madeni yasiyo ya lazima

Wafanyakazi wengi wana madeni yasiyo na maana yoyote.Kopa tu pale panapokuwa na tija mfano: nyumba, elimu, au mradi unaozalisha. Na unahitaji kulipa madeni kwa haraka ili yasilete mzigo wa riba.

4. Ongeza vyanzo vya mapato

Usitegemee mshahara pekee. Tafuta shughuli za ziada kama biashara ndogo, uwekezaji au kazi ya ziada mtandaoni.

Hii itakusaidia kuondokana na changamoto za kifedha.

…

5. Wekeza mapema na kwa busara

Wekeza kwenye hisa, mfuko wa pamoja unit trusts,UTT AMIS, ardhi, au biashara.Uwekezaji wa muda mrefu hukua kupitia faida ya mzunguko.

…

6. Jifunze kuhusu kifedha kila mara.

Soma vitabu, fuatilia wataalamu wa fedha, na elewa misingi ya uwekezaji na uchumi. Elimu ya kifedha inakupa uamuzi bora na kuweza kuondoka na madeni.

…

7.Kuwa na Bima (Insurance)

Bima itakusaidia sana kulinda afya yako, mali zako, na familia dhidi ya dharura.

Bima hukulinda usirudi nyuma kifedha pindi ajali au ugonjwa unapotokea.

..

8. Weka malengo yako.

Anza mipango ya kustaafu mapema (mfano: pensheni binafsi). Baada ya kustaafu utaweza kuishije?Weka malengo ya muda mfupi, wa kati, na mrefu, kisha yafanyie kazi hatua kwa hatua.

…

9.Jenga mahusiano na mitandao bora.

Marafiki na mitandao mizuri inaweza kukuunganisha na fursa za kifedha.Watu sahihi huchangia ukuaji wa mawazo na uwekezaji.

10.Epuka mtindo wa maisha wa mashindano.

Usiongeze matumizi kila mara kipato kikiongezeka.Badala yake, ongeza uwekezaji na akiba.

Lakini pia wengi hununua vitu kwa kushindana na watu, utapoteza pesa zako sana.

Uhuru wa kifedha sio kuwa na pesa nyingi tu, bali ni kuwa na uwezo wa kuishi maisha unayotaka bila kutegemea mshahara pekee.

Ni jambo gani hapa bado ni changamoto kwako.?

Niandikie hapa chini kwenye comment niweze kukusaidia haraka..

All Rights Reserved © The Cantona Group PLC||2025