Radio Fortune Africa -Na Cantona Joseph

https://zeno.fm/radio/radio-fortune-africa

Netanyahu awashutumu viongozi wa Magharibi kwa ‘kuutunuku ugaidi’ baada ya kuitambua Palestina

Waziri Mkuu wa Israel amewashutumu viongozi wa magharibi ambao wametambua Palestina kwa kuutunuku ugaidi. Benjamin Netanyahu alisema Wapalestina hawatawahi kuwa na serikali na Israel itajibu matangazo yaliyoratibiwa na Uingereza, Canada, Australia na Ureno.

Mataifa mengine ikiwemo Ufaransa yanatarajiwa kuiga mfano huo wiki hii kwenye Mkutano Mkuu wa Umoja wa Mataifa mjini New York.

Rais wa Palestina, Mahmoud Abbas, alisema utambuzi wa Palestina ni hatua kuelekea amani ya kudumu ya kikanda. Marekani iliiita hatua hiyo uigizaji. Wapalestina wengine sabini na mmoja waliripotiwa kuuawa huko Gaza siku ya Jumapili.

Uamuzi wa mataifa manne kutoka nchi za Magharibi, ambayo kijadi yamekuwa yakishirikiana na Israel, umeyaunganisha na zaidi ya nchi nyingine 140 ambazo pia zinaunga mkono azma ya Wapalestina ya kuunda nchi huru kutoka kwa maeneo yanayokaliwa kwa mabavu.

Uamuzi wa Uingereza ulibeba ishara maalum kutokana na jukumu lake kuu katika kuundwa kwa Israeli kama taifa la kisasa baada ya Vita vya Pili vya Dunia.

“Leo, ili kufufua matumaini ya amani kwa Wapalestina na Waisraeli, na suluhisho la serikali mbili, Uingereza inatambua rasmi Jimbo la Palestina,” Waziri Mkuu Keir Starmer alisema.

“Mgogoro wa kibinadamu unaosababishwa na binadamu huko Gaza umefikia kina kirefu. Mashambulio ya mara kwa mara ya serikali ya Israel dhidi ya Gaza, mashambulizi ya wiki za hivi karibuni, njaa na uharibifu ni jambo lisilovumilika kabisa,” aliongeza.

Riek Machar kufikishwa mahakamani Juba kujibu katika kesi inayoibua hofu ya kurejea kwa machafuko

Makamu wa Kwanza wa Rais wa Sudan Kusini Riek Machar anatarajiwa kufika mahakamani Jumatatu wakati anashtakiwa kwa mashtaka ya mauaji, uhaini, na uhalifu dhidi ya ubinadamu.

Mashtaka hayo yanahusiana na shambulio la wanamgambo wanaodaiwa kuwa watiifu kwa Bw Machar, lililowaua wanajeshi 250 wa Sudan Kusini, akiwemo jenerali.

Hii ni kesi ambayo imezua hofu ya uwezekano wa kurejeshwa kwa vita vya wenyewe kwa wenyewe vya Sudan Kusini na vurugu za kikabila, kufuatia miaka saba ya amani.

Riek Machar alivuliwa wadhifa wake serikalini kufuatia shambulio la mwezi Machi, ambalo linadaiwa kutekelezwa na wapiganaji kutoka kabila lake la Nuer – wapinzani wa muda mrefu wa jamii ya Rais Salva Kiir ya Dinka.

Wafuasi wa Bw Machar wameelezea kesi hiyo kama uwindaji wa wachawi wa kisiasa na wanamshutumu Rais Kiir kwa kutaka kuwanyamazisha wapinzani wake.

Makubaliano ya amani ya 2018 yaliwaleta maadui hao wawili pamoja katika serikali ya umoja. Lakini uhusiano wao umezidi kuwa mbaya, huku kukiwa na mivutano mipya ya kikabila na vurugu za hapa na pale.

Trump anamsifu Charlie Kirk kama ‘shujaa wa Marekani’ huku maelfu wakifurika ibada ya kumbukumbu yake

Rais wa Marekani Donald Trump alimsifu mwanaharakati wa kihafidhina na mshirika wake Charlie Kirk kama “shujaa mkuu wa Marekani” na “shahidi aliyefia dini” wakati wa hotuba kwa makumi ya maelfu ya waombolezaji katika ibada ya kumbukumbu huko Arizona kufuatia kuuawa kwake.

Trump alikuwa mzungumzaji mkuu katika hafla hiyo iliyojaa watu Jumapili, ambapo maafisa wakuu kutoka kwa utawala wake, akiwemo Makamu wa Rais JD Vance, walisifu urithi wa kisiasa wa Kirk baada ya kupigwa risasi tarehe 10 Septemba.

“Aliuawa kwa sababu aliishi kwa ujasiri, na alibishana kwa ustadi,” Trump aliuambia umati katika uwanja wa State Farm karibu na Phoenix.

Mke wa Kirk, Erika, pia alitoa hotuba ya maombolezo iliyojawa simanzi alisema alimsamehe anayedaiwa kuwa muuaji wa mumewe.

“Mume wangu, Charlie, alitaka kuwaokoa vijana, sawa na yule aliyemuua,” alisema, na kuongeza: “Ninamsamehe kwa sababu ndivyo Kristo alivyofanya. Jibu la chuki si chuki.”

Makumi ya maelfu ya watu walipanga foleni kwa saa nyingi nje ya uwanja kabla ya tukio hilo, huku wengine wakipiga kambi usiku wa kuamkia jana ili kupata nafasi ya kumuomboleza. Wengi walivalia kofia za Make America Great Again (MAGA), na vitu vingine vyenye chapa ya Trump na mavazi nyekundu, nyeupe na bluu.

All Rights Reserved © The Cantona Group PLC||2025