Radio Fortune Africa -Na Cantona Joseph

https://zeno.fm/radio/radio-fortune-africa

Ripoti ya siri ya shirika la Umoja wa Mataifa la kudhibiti nyuklia ilisambazwa kwa nchi wanachama na kuonekana na Shirika la Habari la Associated Press ilisema Jumatano kwamba Iran iliongeza hifadhi yake ya madini ya urani yaliorutubishwa hadi kufikia viwango vya silaha kabla ya Israel kuanzisha mashambulizi yake ya kijeshi Juni 13.

Ripoti ya Shirika la Kimataifa la Nishati ya Atomiki (IAEA) lenye makao yake makuu mjini Vienna imesema hadi kufikia Juni 13, Iran ilikuwa na kilo 440.9 (pauni 972) za uranium iliyorutubishwa hadi asilimia 60, ikiwa ni ongezeko la kilo 32.3 (pauni 71.2) tangu ripoti ya mwisho ya IAEA mwezi Mei.

Ripoti hiyo ilisema kwamba takwimu hii “inatokana na habari iliyotolewa na Iran, shughuli za uhakiki wa shirika hilo kati ya 17 Mei 2025 na 12 Juni 2025 (siku iliyotangulia kuanza kwa mashambulio ya kijeshi), na makadirio kulingana na operesheni ya zamani ya vituo husika.”

Hatua hiyo imesalia kiwango kidogo tu kufikia silaha cha 90%.

Kulingana na IAEA, takriban kilo 42 za 60% ya madini ya urani iliyorutubishwa kinadharia inatosha kuzalisha bomu moja la atomiki, ikiwa itarutubishwa zaidi hadi 90%.

Marekani, AU wahudhuria mkutano wa uangalizi wa makubaliano ya amani ya DRC-Rwanda

Qatar, Marekani, Togo na Tume ya Umoja wa Afrika zilishiriki katika kikao cha pili cha kamati ya pamoja ya usimamizi wa makubaliano ya amani kati ya Jamhuri ya Kidemokrasi ya Congo na Rwanda, Wizara ya Mambo ya Nje ya Marekani ilisema katika taarifa ya pamoja iliyotolewa Jumatano.

“Wajumbe wa Kamati hiyo walikiri ucheleweshaji wa utekelezaji wa baadhi ya vipengele vya mkataba huo,” kwa mujibu wa taarifa hiyo.

“DRC na Rwanda zilijitolea kwa kiwango cha kiufundi, kijasusi na njia ya kijeshi kwa ajili ya kubadilishana taarifa moja kwa moja kabla ya mkutano ujao huko Doha.”

Majadiliano yalilenga kushughulikia changamoto za hivi karibuni za utekelezaji, pamoja na ripoti za vurugu mashariki mwa DRC, na kubaini hatua zinazoweza kuchukuliwa kuhakikisha pande zote zinafuata makubaliano hayo.

Qatar ilitoa taarifa juu ya mazungumzo yanayoendelea ya DRC na AFC/M23 huko Doha, ambayo ni muhimu katika kufikia uthabiti wa eneo mashariki mwa DRC.

Serikali za DRC na Rwanda zilithibitisha tena jukumu lao la kuunga mkono kamilifu juhudi za kufanikisha mazungumzo ya Doha.

All Rights Reserved © The Cantona Group PLC||2025