Radio Fortune Africa -Na Cantona Joseph

https://zeno.fm/radio/radio-fortune-africa

Mamlaka nchini Ethiopia imetangaza kuwakamata washukiwa 82 wa kundi la Islamic State, ambao waliripotiwa kuwa wamepewa mafunzo ya kutekeleza mashambulizi ya kigaidi nchini humo.

Taarifa iliyotolewa na Shirika la Kitaifa la Ujasusi na Usalama la Ethiopia (NISS) Jumatatu ilisema watu waliokamatwa wanahusishwa na mrengo wa ISIS unaoendesha shughuli zake nchini Somalia.

Inasemekana walipata mafunzo huko Puntland, eneo linalojitawala kaskazini mashariki mwa Somalia, kabla ya kutawanywa katika mikoa mbalimbali ya Ethiopia – ikiwa ni pamoja na mji mkuu wa Addis Ababa, eneo la Amhara, na eneo la Oromia.

NISS pia ilisema kuwa baadhi ya wanachama wa kundi hilo wana uhusiano wa moja kwa moja na mtandao wa kimataifa wa ISIS, na wamepokea msaada wa kifedha na mwingine kutoka kwake.

Mamlaka ziliongeza kuwa kundi hilo lilikuwa likifuatiliwa kwa karibu kwa muda mrefu, na kulikuwa na habari zinazoonyesha mipango yao ya kuanzisha kambi nchini Ethiopia ili kutekeleza operesheni zilizoratibiwa za kigaidi huko.

All Rights Reserved © The Cantona Group PLC||2025