Radio Fortune Africa -Na Cantona Joseph

https://zeno.fm/radio/radio-fortune-africa

Hakimu mmoja amemnyima dhamana Sean “Diddy” Combs baada ya mahakama kumtia hatiani msanii huyo wa muziki wa hip-hop kwa kosa la usafirishaji haramu wa binadamu, kujihusisha na ukahaba, lakini alimuondolea mashtaka mazito zaidi: ulaghai na biashara ya ngono.

Mawakili wa msanii huyo walidai kuwa hakuwa na hatari ya kukimbia, wakisema kwamba ndege yake inakodishwa huko Hawaii.

Lakini Jaji Arun Subramanian alitaja historia ya unyanyasaji ya Combs na akaamua rapa huyo lazima abaki gerezani hadi atakapohukumiwa baadaye mwaka huu atakapokabiliwa na kifungo cha miaka 20 jela.

Katika kesi ya hiyo iliyoendeshwa kwa karibu miezi miwili New York City, waendesha mashitaka walimshtaki Combs kwa kutumia hadhi yake ya mtu Mashuhuri na ufalme wa biashara kuendesha biashara ya uhalifu kwa wanawake kwa kuwasafirisha kwa ajili ya biashara ya ngono.

Jopo la mahakama la watu 12 lilijadiliana kwa saa 13 kabla ya kumuondolea Combs mashtaka matatu kati ya matano makubwa zaidi.

Ataendelea kuzuiliwa katika jela hiyo hiyo ya shirikisho huko Brooklyn ambako amezuiliwa tangu Septemba mwaka jana.

Hukumu hiyo ilipangwa kutolewa tarehe 3 Oktoba.

All Rights Reserved © The Cantona Group PLC||2025