Radio Fortune Africa -Na Cantona Joseph

https://zeno.fm/radio/radio-fortune-africa

Mwanasiasa mkali wa upinzani nchini Afrika Kusini Julius Malema amesema amenyimwa visa ya kuhudhuria mkutano nchini Uingereza utakaofanyika tarehe 10 Mei.

Malema alisema Uingereza haina “sababu halali” ya uamuzi wake, na aliichukulia kama “jaribio la kunyamazisha upinzani”.

Katika barua iliyovuja kwa naibu wa Malema, Kamishna Mkuu wa Uingereza nchini Afrika Kusini, Antony Phillipson, alisema Ofisi ya Mambo ya Ndani haikuweza kushughulikia ombi lake la visa kwa wakati kwa ajili ya safari yake.

Malema, kiongozi wa chama cha Economic Freedom Fighters (EFF), ni mkosoaji mkali wa kile anachokiona kuwa “ubeberu wa Magharibi”, na pia anapigania kutaifishwa kwa ardhi inayomilikiwa na wazungu nchini Afrika Kusini.

All Rights Reserved © The Cantona Group PLC||2025