Radio Fortune Africa -Na Cantona Joseph

https://zeno.fm/radio/radio-fortune-africa

Rais wa  Côte d’Ivoire Alassane Ouattara amesema siku ya Alhamisi kwamba “ana nia ya kuendelea kuitumikia” nchi yake, huku akihakikisha kwamba hajafanya uamuzi kuhusu kugombea kwake muhula wa nne katika uchaguzi wa urais wa mwezi Oktoba.

“Kufikia leo, bado sijafanya uamuzi. Lakini pia ninaweza kuwahakikishia (kwa ukweli) kwamba nina afya njema na nina hamu ya kuendelea kuitumikia nchi yangu,” amesema Bw Ouattara, katika hafla yake ya kuwatakia Heri ya mwaka Mpya wanadiplomasia, kwa huku wajumbe wa serikali wakipiga makofi. Pia amebaini kwamba chama chake kilikuwa na “angalau nusu dazeni ya wagombea ambao wako katika chumba hiki,” bila kuwataja, ambao wanaweza kuwa warithi watarajiwa.

Akiwa madarakani tangu 2011, Rais Ouattara, 83, alitangaza mwaka 2020 kwamba anataka kukabidhi nchi kwa kizazi kipya. Mrithi wake, Amadou Gon Coulibaly, alikuwa ameteuliwa kama mgombea wa chama cha Rally of Houphouëtists for Democracy and Peace (RHDP, mamlakani) lakini alifariki ghafla Julai miezi michache kabla ya uchaguzi wa 2020 kisha akaamua kujiandikisha tena kwa muhula wa tatu.

“Leo, naweza kuwaambia kuwa nilifanya vyema kukubali pendekezo la chama changu,” Bw. Ouattara amesema siku ya Alhamisi kuhusu suala hili. RHDP imefanya mikutano mingi mwaka wa 2024 ili kumtaka mkuu wa nchi kugombea tena na kurudia mara kadhaa kwamba Bw. Ouattara ni “mgombea asili” wa chama hicho.

Uchaguzi wa urais unatarajiwa kufanyika Oktoba 25, 2025. Côte d’Ivoire imekumbwa na matatizo kadhaa yanayohusiana na uchaguzi, kama vile ya mwaka 2010-2011 ambayo yalisababisha vifo vya watu 3,000. Siku ya Alhamisi, Alassane Ouattara ametaka “kutuliza” kwa kuthibitisha kwamba uchaguzi “utakuwa wa amani, wa kidemokrasia na wa uwazi.”

Watu kadhaa tayari wametangaza kugombea. Rais wa zamani Laurent Gbagbo (2000-2011) aliteuliwa na chama cha African Peoples Party – Côte d’Ivoire (PPA-CI) lakini kwa sasa hastahili kwa sababu ya hukumu ya mahakama. Mkewe wa zamani, Simone Ehivet Gbagbo, pia alitangaza kuwania urais.

Chama cha Democratic Party of Côte d’Ivoire (PDCI), chama kikuu cha upinzani, bado hakijamteua mgombea wake. Rais wake, Tidjane Thiam, anatarajiwa kuingia kwenye vita, ambapo anaweza kwanza kukabiliana na vita vya ndani ya chama hicho Waziri wa zamani wa Biashara Jean-Louis Billon, ambaye amejitangaza kuwa mgombea. Hatimaye, Waziri Mkuu wa zamani Pascal Affi N’Guessan (2000-2003) alitawazwa na chama cha Ivorian Popular Front (FPI).

All Rights Reserved © Cantona Group PLC||2024