by CantonaDigital

Haiti: Zaidi ya watu laki saba wamepoteza makaazi yao kutokana na vita

Radio Fortune Africa -Na Cantona Joseph

https://liveonlineradio.net/radio-fortune-africa

Watu zaidi ya 700,000 wamekimbia makaazi yao nchini Haiti, nusu wakiwa ni watoto, kwa mujibu wa ripoti iliyotolewa siku ya Jumatano na Umoja wa Mataifa.

Sababu kubwa inayosababisha watu nchini Haiti hasa katika jiji kuu Port-au-Prince, kukimbia makaazi yao ni kwa sababu za kiusalama kutokana na uwepo wa magenge yaliyojihami kwa silaha
Sababu kubwa inayosababisha watu nchini Haiti hasa katika jiji kuu Port-au-Prince, kukimbia makaazi yao ni kwa sababu za kiusalama kutokana na uwepo wa magenge yaliyojihami kwa silaha AP – Odelyn Joseph

Sababu kubwa inayosababisha watu nchini Haiti hasa katika jiji kuu Port-au-Prince, kukimbia makaazi yao ni kwa sababu za kiusalama kutokana na uwepo wa magenge yaliyojihami kwa silaha, yanayoendelea kuwahangaisha wakaazi.

Tume ya Umoja wa Mataifa inayoshughulikia wahamiaji IOM imesema kufikia mwisho wa mwezi wa Septemba watu 702,973 walikuwa wamekimbia makaazi yao.

Hili ni ongezeko la asilimia 22 la watu waliokimbia, tangu mwezi Juni, wakati huu pia hali ya kibinadamu ikiendelea kuwa mbaya kwa sababu ya ukosefu wa chakula.

Kenya inaoongoza kikosi cha polisi wa kimataifa nchini Haiti kujaribu kukabiliana na makundi ya watu wenye silaha.
Kenya inaoongoza kikosi cha polisi wa kimataifa nchini Haiti kujaribu kukabiliana na makundi ya watu wenye silaha. AP – Roberto Schmidt

Aidha, imebainika kuwa asilimia 83 ya wakimbizi hao wamepewa hifadhi na ndugu zao, na mbali na ukosefu wa chakula, wakimbizi hao wanakabiliwa na ukosefu wa huduma za afya.

Ijumaa iliyopita, Tume ya Umoja wa Mataifa ya Haki za Binadamu, iliripotiwa kuwa watu 3,600 wameuawa mwaka huu nchini Haiti baada ya kushambuliwa na magenge yenye silaha, wakati huu kikosi cha polisi wa Kimataifa kikiongozwa na Kenya, kikijaribu kupambana na magenge hayo.

All Rights Reserved © Cantona Group PLC||2024

Discover more from cantonadigital

Subscribe to get the latest posts sent to your email.

Leave a comment